Tu ni'n, Kepong, Wangsa Permai ( Zo veng ) ah, Zo Christian Association, Malaysia ( ZCAM ), CCCM le Dr. Bishop Felix Lien Khen Thang inh, Zo veng RC biek inn ah, makai teng tawh, hunbawl na le kimu tuo, holim na neih hi.
Kikhop ton na sung ah, Bishop inh, " Pasien geel na tawh aki mutuo thei ihi ua, Pasien ma inh, inn ilam sah ding uh, Kul icinh sah ding uh, tua lo in, bangma itang tun zo sih ding ua, ilaw cing zo sih ding uhi" cile, Zeisu suo zie, le ilungsim sung aa isuoh sah takpi ding uh akisap zie ci'n, Pasien thulai gil ngiet tawh thuhil na neih hi.
ZCAM Secretary pu CCF Pastor Khai inh, ZCAM tangin, vaidot na, lungdam ko na, le ZCAM pulak na le mailam ZCAM ii ngimna le tupna te atom kim in genna le pulak na neih hi. Kimu tuo na-ah, ZCAM inh, 2009 X'mas letsong dingin, Malaysia KL twin tower Image dangka tawh - ici dieai mah- kibawl khat, ZCAM min in letsong pieh na ZCAM President pu Daniel Kham inh neih aa, tua banah, Zo veng, Secret hart (CCCM) khangno le pawlpi te'n zong, X'mas letsong pieh na te neih uhi.
Hun manh zaw ciengin, Seafood ah, ZCAM le CCCM makai te tawh, an nek ton na nei in, 5:00pm hun in, hunbawl ton na, holim na le annek ton na te man in, toidam tah in, kikhen na neih uhi.
ZCAM pen, mihing hileh, anu gil sung panh aa, asuoh panh, ci ding za inh, zia ni mama aa, kiphut or kipuo tha kia, Malaysia, Kuala Lumpur khuopi sung, avengveng aa om, Zo thuzui mi kipawl ton na ahi, Kepong Wangsa Permai Zo veng ) aa om ZCF, VBC, MAG, Subang veng aa om CCCM, CCF le Pandan Indah veng aa om ZCWC ahi (fellowship) pawlpi 6 teng kipawlton na ahihi.
| < Prev | Next > |
|---|
