North Carolina i khuopi ahi Charlotte khuopi ah tuni Feb 20, 2010 ni'n 62 veina Chin National Day (Zo Mi Nam Ni) na sie tah in kibawl aa mipi 400 kim bang ki pha in minam ciet in ngaina lam lah na, Minam puontawh Model Show leh Entertainment ahi ZOgam tapna lai ngaih no no kisa in, khamtung an ahi Kawlbu an tawh mipi kiva in nuom ki sa ciet mama hi.
Tam ZO Mi Nam Ni pen, NC State a om Charlotte khuopi a ding in a khat vei na kibawl pat na ahi aa, tam pawlpi ah ngaih na lam anei minam teng ahi leh, Hakha, ZO, Falam, Matupi, Tedim miteng in a ngaina lam ciet vuh tawh minam pah tawi na ki nei aa, tuo sung ah i ZO miteng in zong Ka khaw khai lam tawh ZO Minam pah tawi na nei leh, ZO Laukha PaalLun Ding ci La pawl tawh ZO Minam pah tawi na kinei aa, nam dang ten zong hing lung dam pi, hing nuom pih mama hi.
NC state a om ZO teng in zong mai hing tung ding Chin National Day ( ZO Mi Nam Ni ) cieng in nasie tah ma in kihal ding gelna ki nei toto hi.
North Carolina i khuopi ahi Charlotte a om ZO miteng Ka Khaw Khai Lam tawh lam ton na lim
Indiana state ahi Fartwayne khuo a om i ZO teng in zong Chin National Day (ZO Mi Nam Ni) na sie tah ma in nei aa, tuo sung ah ZO ngaihna lam ma tawh lam na te nei vuh aa, mipi ading in lungdam om mama hi.
Indiana state a om Fortwayne khuo ah kibawl ZO MiNam Ni pawl ah i ZO teng lam na lim
| < Prev | Next > |
|---|
